

D3902

@##། །རྒྱ་གར་སྐད་དུ། ས་ཏྱ་དྭ་ཡཱ་བ་ཏཱ་ར། བོད་སྐད་དུ། བདེན་པ་གཉིས་ལ་འཇུག་པ། ཐུགས་རྗེ་ཆེན་པོ་ལ་ཕྱག་འཚལ་ལོ། །སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་བརྟེན། །འཇིག་རྟེན་ཀུན་རྫོབ བདེན་པ་དང་།།དེ་བཞིན་དོན་དམ་བདེན་པའོ། །ཀུན་རྫོབ་རྣམ་པ་གཉིས་སུ་འདོད། །ལོག་པ་དང་ནི་ཡང་དག་གོ། །དང་པོ་གཉིས་ཏེ་ཆུ་ཟླ་དང་། །གྲུབ་མཐའ་ངན་པའི་རྟོག་པའོ། །མ་བརྟགས་གཅིག་པུ་ཉམས་དགའ་བའི། །སྐྱེ་བ་དང་ནི་འཇིག་པའི་ཆོས། ། དོན་བྱེད་ནུས་དང་ལྡན་པ་ནི། །ཡང་དག་ཀུན་རྫོབ་ཡིན་པར་འདོད། །དམ་པའི་དོན་ནི་གཅིག་ཉིད་དེ། །གཞན་དག་རྣམ་པ་གཉིས་སུ་འདོད། །ཅིར་ཡང་མ་གྲུབ་ཆོས་ཉིད་དེ། །གཉིས་དང་གསུམ་སོགས་ག་ལ་འགྱུར། །བསྟན་པའི་ཚིག་གིས་སྦྱོར་བ་ཡིས། ། སྐྱེ་མེད་འགག་མེད་སོགས་པས་མཚོན། །དོན་དམ་ཐ་དད་མེད་ཚུལ་གྱིས། །ཆོས་ཅན་མེད་ཅིང་ཆོས་ཉིད་མེད། །སྟོང་པ་ཉིད་ལ་ཐ་དད་ནི། །ཅུང་ཟད་ཡོད་པ་མ་ཡིན་ཏེ། །རྟོག་མེད་ཚུལ་གྱིས་རྟོགས་པས་ན། །སྟོང་ཉིད་མཐོང་ཞེས་ཐ་སྙད་གདགས། །མ མཐོང་བ་ཉིད་དེ་མཐོང་བར།།ཤིན་ཏུ་ཟབ་པའི་མདོ་ལས་གསུངས། །དེ་ལ་མཐོང་དང་མཐོང་བྱེད་མེད། །ཐོག་མ་ཐ་མ་མེད་ཞི་བ། །དངོས་དང་དངོས་མེད་རྣམ་པར་སྤངས། །རྣམ་པར་རྟོག་མེད་དམིགས་པ་བྲལ། །གནས་པ་མེད་པ་གནས་མེད་པ། །འགྲོ་ འོང་མེད་ཅིང་དཔེ་དང་བྲལ།།བརྗོད་དུ་མེད་པ་བལྟར་མེད་པ། །འགྱུར་བ་མེད་པ་འདུས་མ་བྱས། །རྣལ་འབྱོར་པ་ཡིས་དེ་རྟོག་ན། །ཉོན་མོངས་ཤེས་བྱའི་སྒྲིབ་པ་སྤངས་། །མངོན་སུམ་དང་ནི་རྗེས་སུ་དཔག་།སངས་རྒྱས་པ་ཡིས་དེ་གཉིས་གཟུང་། །གཉིས་ པོས་སྟོང་ཉིད་རྟོགས་སོ་ཞེས།།ཚུ་རོལ་མཐོང་བའི་རྨོངས་པ་སྨྲ། །མུ་སྟེགས་ཉན་ཐོས་རྣམས་ཀྱིས་ཀྱང་། །ཆོས་ཉིད་རྟོགས་པར་ཐལ་བར་འགྱུར། །རྣམ་རིག་པས་ལྟ་སྨོས་ཅི་དགོས། །དབུ་མ་པ་ལ་མི་མཐུན་མེད། །དེས་ན་གྲུབ་མཐའ་ཐམས་ཅད་ཀྱང་། །ཚད་མས་ འཇལ་ཕྱིར་མཐུན་པར་འགྱུར།།རྟོག་གེ་ཐམས་ཅད་མི་མཐུན་པས། །ཚད་མས་འཇལ་བའི་ཆོས་ཉིད་ཀྱང་། །མང་པོ་ཉིད་དུ་མི་འགྱུར་རམ། །མངོན་སུམ་རྗེས་དཔག་དགོས་པ་མེད། །མུ་སྟེགས་རྒོལ་བ་བཟློག་པའི་ཕྱིར། །མཁས་པ་རྣམས་ཀྱིས་བྱས་པ་ཡིན། །ལུང་ ལས་ཀྱང་ནི་གསལ་པོ་རུ།།རྟོག་བཅས་རྟོག་པ་མེད་པ་ཡིས་། །ཤེས་པ་གཉིས་ཀྱིས་མི་རྟོགས་ཤེས། །སློབ་དཔོན་མཁས་པ་བྷ་བྱ་གསུང་། །སྟོང་ཉིད་གང་གིས་རྟོགས་ཤེ་ན། །དེ་བཞིན་གཤེགས་པས་ལུང་བསྟན་ཞིང་། །ཆོས་ཉིད་བདེན་པ་གཟིགས་པ་ཡི། །ཀླུ་ སྒྲུབ་སློབ་མ་ཟླ་གྲགས་ཡིན།།དེ་ལས་བརྒྱུད་པའི་མན་ངག་གིས། །ཆོས་ཉིད་བདེན་པ་རྟོགས་པར་འགྱུར། །ཆོས་ཀྱི་ཕུང་པོ་བརྒྱད་ཁྲི་དང་། །བཞི་སྟོང་གསུངས་པ་ཐམས་ཅད་ནི། །ཆོས་ཉིད་འདི་ལ་གཞོལ་ཞིང་འབབ། །སྟོང་ཉིད་རྟོགས་པས་གྲོལ་འགྱུར་ གྱི་།།སྒོམ་པ་ལྷག་མ་དེ་དོན་ཡིན། །ཡང་དག་ཀུན་རྫོབ་ཁྱད་བསད་ནས། །སྟོང་པ་ཉིད་ལ་གོམས་བྱེད་ན། །ཀུན་རྫོབ་རྒྱུ་འབྲས་དགེ་སྡིག་སོགས། །འཇིག་རྟེན་ཕ་རོལ་བསླུས་པར་འགྱུར། །ཅུང་ཟད་ཐོས་པ་ལ་བརྟེན་ཏེ། །རྣམ་པར་བདེན་དོན་མི་ཤེས་ཤིང་། ། མི་གང་བསོད་ནམས་མི་བྱེད་པ། །སྐྱེས་བུ་ཐ་ཤལ་དེ་དག་བརླག་།སྟོང་པ་ཉིད་ལ་བལྟ་ཉེས་ན། །ཤེས་རབ་ཆུང་རྣམས་ཕུང་བར་འགྱུར། །སློབ་དཔོན་ཟླ་གྲགས་འདི་སྐད་དུ། །ཐབས་སུ་གྱུར་པ་ཀུན་རྫོབ་བདེན་པ་དང་། །ཐབས་ལས་བྱུང་བ་དོན་དམ་བདེན པ་དག་།གཉིས་པོའི་དབྱེ་བ་གང་ཡིན་མི་ཤེས་པ། །དེ་དག་ལོག་པར་རྟོགས་པས་ངན་འགྲོར་འགྲོ། །ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་འགྱུར། །ཡང་དག་ཀུན་རྫོབ་རྣམས་ཀྱི་སྐས། །མེད་པར་ཡང་དག་ཁང་ཆེན་གྱི། ། སྟེང་དུ་འགྲོ་བར་བྱེད་པ་ནི། །མཁས་ལ་རུང་བ་མ་ཡིན་ནོ། །ཀུན་རྫོབ་ཇི་ལྟར་སྣང་བ་འདི། །རིགས་པས་བརྟགས་ན་འགའ་མི་རྙེད། །མ་རྙེད་པ་ཉིད་དོན་དམ་ཡིན། །ཡེ་ནས་གནས་པའི་ཆོས་ཉིད་དོ།

梵语：Satya-dvayāvatāra
藏语：བདེན་པ་གཉིས་ལ་འཇུག་པ།
汉译：入二谛
礼敬大悲
诸佛所说法，
皆依二谛理，
世间世俗谛，
及以胜义谛。
世俗分二种，
邪谬及正确。
初者复二种，
水月恶见执。
未经观察时，
唯一悦意境，
生灭诸法性，
具有作用者，
是为正世俗。
胜义唯一性，
余者分二种。
诸法本无生，
二三等何有？
以教言表述，
无生无灭等。
胜义无差别，
无法无法性，
于彼空性中，
毫无诸差别。
无分别了知，
假名见空性。
不见即为见，
甚深经中说。
彼中无见所见，
无始无终寂，
远离有无相，
无分别离境。
无住无所住，
无来去离喻，
不可说不见，
无变无为法。
瑜伽师若观，
断惑所知障。
现量与比量，
佛教徒执二。
二量证空性，
凡夫愚者说。
外道声闻等，
应成证法性。
唯识何须言，
中观无不同。
是故诸宗派，
量度故相同。
诸论皆相违，
量度法性故，
岂非成多性？
现比量非要。
为破外道诤，
诸智者所作。
经中亦明示，
有分别无分别，
二识不能证。
智者婆毗说。
若问谁证空，
如来授记者，
证见法性谛，
龙树徒月称。
依彼传承诀，
证悟法性谛。
八万四千法，
所说一切法，
皆趣此法性。
证空得解脱，
余修为此义。
舍正世俗别，
若修习空性，
世俗因果等，
来世将受欺。
依于少闻思，
不知真实义，
不修诸福德，
劣慧众毁灭。
邪解空性者，
智劣将毁灭。
月称论师言：
方便世俗谛，
方生胜义谛，
不知二谛别，
邪解堕恶趣。
若不依世俗，
不证胜义谛。
无正世俗阶，
欲登真实殿，
于诸智者前，
此实不应理。
世俗诸现相，
理观皆不得，
不得即胜义，
本住法性也。

།རྒྱུ་རྐྱེན་དག་གིས་བསྐྱེད་པས་ན། །ཀུན་རྫོབ་ཇི་ལྟར སྣང་བ་གྲུབ།།གལ་ཏེ་གྲུབ་པར་མི་རུང་ན། །ཆུ་ཟླ་ལ་སོགས་སུ་ཡིས་བསྐྱེད། །དེས་ན་རྒྱུ་རྐྱེན་སྣ་ཚོགས་ཀྱིས། །བསྐྱེད་པས་སྣང་བ་ཐམས་ཅད་གྲུབ། །རྐྱེན་རྣམས་རྒྱུན་ནི་ཆད་གྱུར་ན། །ཀུན་རྫོབ་ཏུ་ཡང་མི་འབྱུང་ངོ་། །དེ་ལྟར་ལྟ་བས་མ་རྨོངས་ཤིང་། ། སྤྱོད་པ་ཤིན་ཏུ་དག་གྱུར་ན། །གོལ་བའི་ལམ་དུ་མི་འགྲོ་ཞིང་། །འོག་མིན་གནས་སུ་འགྲོ་བར་འགྱུར། །ཚེ་ནི་ཡུན་ཐུང་ཤེས་བྱའི་རྣམ་པ་མང་། །ཚེ་ཡི་ཚད་ཀྱང་ཇི་ཙམ་མི་ཤེས་པས། །ངང་པ་ཆུ་ལ་འོ་མ་ལེན་པ་ལྟར། །རང་གི་འདོད་པ་དང་ལ་བླང བར་གྱིས།།ཚུ་རོལ་མཐོང་བའི་རྨོངས་པ་བདག་གིས་ནི། །བདེན་གཉིས་གཏན་ལ་དབབ་པར་མི་ནུས་ཀྱང་། །བླ་མ་རྣམས་ཀྱི་གསུང་ལ་བརྟེན་ནས་ནི། །ཀླུ་སྒྲུབ་ལུགས་ཀྱི་བདེན་གཉིས་བཀོད་པ་འདི། །གསེར་གླིང་རྒྱལ་པོའི་ངོར་བྱས་འདི་ལ་ནི། །གལ་ཏེ་ དིང་སང་སྐྱེ་བོ་དད་གྱུར་ཀྱང་།།ལེགས་པར་བརྟགས་ལ་བླང་བར་བྱ་བ་ཡི། །དད་པ་ཙམ་དང་གུས་པ་ཙམ་གྱིས་མིན། །གསེར་གླིང་རྒྱལ་པོ་གུ་རུ་ཕ་ལ་ཡིས། །དགེ་སློང་དེ་བ་མ་ཏི་བཏང་གྱུར་ནས། །དེ་ཡི་ངོར་བྱས་བདེན་གཉིས་ལ་འཇུག་འདི། །དིང་སང་ མཁས་པ་རྣམས་ཀྱིས་བརྟག་པར་རིགས།།བདེན་པ་གཉིས་ལ་འཇུག་པ་སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།

由因缘所生故，世俗如何显现得以成立。若不得以成立，水月等由谁生？是故由种种因缘，所生一切显现得以成立。若诸缘相续断，则于世俗亦不生。
如是见不迷惑，行为极为清净，不入解脱道，将往色究竟天。寿命短暂所知相众多，寿量几何亦不知，如鹅从水中取乳，当取自己所欲者。
我此凡夫愚痴者，虽不能定二谛理，然依诸上师教言，龙树传承二谛理。此为金洲王所作，今时众生虽生信，当善观察而取受，非仅信心与恭敬。
金洲王遣遣古鲁帕拉，比丘德瓦玛帝，为彼所作入二谛，今时智者当观察。
入二谛论由大智者吉祥燃灯智所造圆满。

། །།པཎྜི་ཏ་དེ་ཉིད་དང་ལོ་ཙཱ་བ་རྒྱ་བརྩོན་སེང་གེས་བསྒྱུར་ཅིང་ཞུས་ཏེ་གཏན་ལ་ཕབ་པ་།། །།

由此班智达与译师嘉尊僧格翻译、校对并最终确定。
